ﺍﻟﺸﺎﻋﺮ ﺍﻟﺪﻛﺘﻮﺭ /ﻣﺤﻤﺪ ﺑﺎﺩﻯ ﺍﻟﻌﻜﻮﻭﺩﺍﺑﻰ
ﻳﺎ ﺳﻜﺎﻥ ﺍﻟﻘﺼﺮ ﺍﻟﻌﺎﻟﻲ ﺳﻼﻡ
ﻳﺎ ﺳﻜﺎﻥ ﺍﻟﻘﺼﺮ ﺍﻟﻌﺎﻟﻲ ﺳﻼﻡ
ﻳﺎ ﻧﺎﺳﺎﺕ ﺍﻟﺒﺮﺝ ﺍﻟﻌﺎﻟﻲ ﺳﻼﻡ
ﺍﺍﺍﺍﻧﻮﻳﺴﺎﺕ ﺍﻟﺒﻠﺪ ﺍﻟﺒﻠﺪ ﺍﻟﻐﺎﺩﻱ ﺳﻼﻡ
ﺍﺩﻭﻧﻰ ﺳﻼﻡ ﻭﺍﻥ ﺟﻴﺘﻜﻢ ﺗﺎﻧﻲ ﻣﻼﻡ
ﺗﺒﻘﻰ ﻣﺼﻴﺒﺔ ﺍﻥ ﻛﺎﻥ ﺍﻟﺴﻨﺔ ﺍﻧﻌﺪﻣﺖ ﺑﻴﻦ ﺍﻟﻨﺎﺱ
ﺗﺒﻘﻰ ﻣﺼﻴﺒﺔ ﺍﻥ ﻛﺎﻥ ﺍﻟﻘﺮﺵ ﺍﻟﻠﺤﻤﺮ
ﻗﺴﻢ ﺍﻟﺨﻠﻖ ﺍﺟﻨﺎﺱ ﺍﺟﻨﺎﺱ
ﻳﺎﻟﻤﺎﻟﻴﻦ ﺍﻟﻜﺎﺱ ﻣﻦ ﺍﻟﺨﻠﻖ ﺍﻟﺸﺮﺑﺖ ﻋﺮﻕ ﺍﻟﻔﺎﺱ
ﻳﺎﻟﺸﺮﻑ ﺍﻟﺒﺪﺭﻱ ﺍﻧﺪﺍﺱ.ﻭﺍﻟﺒﻠﺪ ﺍﻟﻈﺎﻟﻢ ﺷﺎﻟﻜﻢ ﻓﻮﻕ ﺍﻟﺮﺍﺱ
ﺍﻧﻮﺍﺭﻛﻢ ﻃﻌﻨﺖ ﻛﺒﺪ ﺍﻟﺴﺤﺐ ﺍﻟﺒﻜﺎﻳﺎﺕ
ﻭﺍﻏﺎﺭ ﺍﻟﻠﻴﻞ ﺳﺎﻟﺒﺎﻩ ﻛﻬﺎﺭﺏ ﺍﻟﻬﺠﻌﺔ ﺍﻟﻀﻮﺍﻳﺎﺕ
ﻗﺎﺋﻤﻴﻦ ﺍﻟﻠﻴﻞ ﺍﻟﻜﺎﺱ ﻣﻠﻴﺎﻥ ﺍﻟﺠﻮﻑ ﻣﻠﻴﺎﻥ
ﺍﻟﻠﺤﻢ ﺍﻟﻄﺎﺯﺝ ﺭﺍﻗﺪ ﺑﺎﻟﻌﻴﻨﺎﺕ
ﻭﻏﻔﻴﺮﻛﻢ ﻧﻮﻡ ﺑﺮﻕ ﺑﺮﻕ ﺍﻟﻘﺒﻠﺔ ﺍﺑﺮﺍﺳﺎ ﻗﻮﻯ
ﻭﺟﻨﺒﻮ ﻛﻼﺑﻮﺍ ﺍﻟﻬﻮﺍﻳﺎﺕ
ﻳﺎ ﺳﺎﺩﺍﺕ ﺍﻟﺒﺰﺥ ﺍﻟﺒﺎﺯﺥ . ﻳﺎ ﺑﻌﺾ ﻛﺮﻭﺵ ﻣﻠﻴﺎﻧﺔ ﻓﺘﺎﺕ
ﻳﺎ ﻧﺠﺲ ﺍﻻﺭﺽ ﺍﻟﻤﺪﻋﻴﺔ. ﻳﺎ ﻧﺴﻞ ﺍﻻﻣﻢ ﺍﻟﻤﺪﻋﻴﺎﺕ
ﻣﺎﻋﻮﻥ ﺍﻟﻮﺳﻜﻰ ﺍﻟﻠﺤﻤﺮ ﻋﻠﺐ ﺍﻟﺒﻴﺮﺓ ﺍﻟﺼﺎﻳﺪﺭ
ﺣﺘﻰ ﻗﺰﺍﺯﺓ ﺍﻟﺒﻠﺪ ﺍﻟﻨﺎﻗﻊ ﻧﺎﺯﻑ ﻣﻦ ﺷﺮﻳﺎﻥ ﺍﻟﻤﺸﺮﻕ
ﻣﺼﻮﺍ ﺍﻟﺨﺒﺚ ﺍﻟﻔﻴﻪ . ﺳﻤﺎ ﺍﻋﺸﺮﻕ
ﻭﻧﺤﻨﺎ ﺍﺩﻭﻧﺎ ﺍﻟﻔﺎﺿﻰ ﻫﺪﻳﺔ
ﻳﻘﻌﺪ ﻓﻰ ﺷﻤﺲ ﺍﻟﻠﻪ ﺗﻼﺗﺔ ﺍﻳﺎﻡ ﺑﻄﻬﺮ ﻣﻨﻮ ﺍﻟﺴﻴﺔ
ﻧﺴﻠﺦ ﻣﻨﻪ ﺍﻟﺪﻣﻌﺔ ﺍﻟﻮﺻﻔﺖ ﻋﻴﻨﺘﻮ ﻭﺍﻟﻜﻤﻴﺔ
ﺗﻤﺸﻰ ﺍﻡ ﺍﺣﻤﺪ ﺗﻐﺴﻞ ﺑﻄﻨﻮ ﻭﺿﻬﺮﻭ ﻭﻣﺎ ﻻﺯﻣﺎﻫﺎ ﻭﺻﻴﺔ
ﺑﻌﻀﺎ ﻳﻨﻔﻊ ﺩﻟﻮ ﻧﺸﺎﻝ . ﻓﻰ ﺍﻟﺒﻴﺮﺍﻡ ﺗﺴﻌﺔ ﺭﺟﺎﻝ
ﺗﻘﺪﻟﺒﻮ ﺑﻨﻴﺔ ﺣﻠﻮﺓ ﻣﻊ ﺍﻟﺸﺤﻼﻝ . ﺗﺴﻘﻴﻨﺎ ﺣﻼﻝ ﻭﺯﻻﻝ
ﺍﻟﻔﺎﺿﻰ ﺍﻟﻜﺎﻥ ﻣﻠﻴﺎﻥ ﺍﺣﺰﺍﻥ ﻭﺍﻃﺮﺍﻓﻮ ﺗﺸﻴﻞ
ﺍﺗﺤﻮﻝ ﻛﻮﺏ ﻣﻌﻘﻮﺩ ﻓﻮﻕ ﻗﻠﺔ ﺗﻨﻘﻊ ﻭﺭﺍﻗﺪﺓ ﺳﺒﻴﻞ
ﺳﺒﻴﻞ ﻣﺘﺮﻭﻑ ﻣﺴﺮﻭﻑ ﺑﻴﻦ ﺳﻴﺎﻟﺔ ﺭﺍﻣﻴﺔ ﺿﻠﻴﻞ
ﺍﻟﻐﺎﺷﻲ ﺍﻟﻨﺎﺷﻲ ﺍﻟﺮﺍﺣﻞ ﻭﻧﻮﺥ ﺩﺍﺑﻮ ﻭﺩﻝ ﺍﻟﺸﻴﻞ
ﻟﻰ ﺣﺘﻰ ﺍﻟﻄﻴﺮ ﺍﻟﻄﺎﺋﺮ ﻭﻧﺎﻭﻱ ﺭﺣﻴﻞ
ﻭﺍﻟﻮﻟﺪ ﺍﻟﺴﺎﺩﺭ ﻓﻮﻕ ﻣﺸﻬﺎﺩﻭ ﻭﺩﺭﺑﻮ ﻃﻮﻳﻞ
ﻭﻋﻤﻮﻡ ﺍﻟﻨﺎﺱ ﻭﺍﻟﻔﺮﻉ ﺍﻟﺼﺎﻳﺪﻭ ﻳﺒﺎﺱ ﻭﻛﻼﺏ ﺍﻟﺤﺮ ﻭﺑﻨﺎﺕ
ﺍﻟﺮﻳﻞ
ﺑﺘﺸﻴﻞ ﺑﺘﺒﻞ ﺍﻟﺮﻳﻖ .ﺍﻟﻤﻮﻳﺔ ﻧﻮﺍﺣﻲ ﺍﻟﺴﺎﻓﻞ ﻣﻮﻳﺔ ﻧﻴﻞ
ﻳﺎ ﺳﺎﺩﺍﺕ ﺍﻟﺒﺮﺝ ﺍﻟﻌﺎﺟﻲ ﺳﻼﻡ
ﺍﺍﺍﻧﺴﺎﺕ ﺍﻟﺒﻠﺪ ﺍﻟﻐﺎﺩﻱ ﺳﻼﻡ
ﻭﺍﻟﻠﻪ ﺍﻥ ﻛﺎﻥ ﻋﺎﺭﻓﻨﻲ ﺗﻤﺎﻡ
ﻗﺪﺍﻣﻜﻢ ﻭﻣﺎ ﺷﺎﻳﻔﻜﻢ ﻭﺳﺎﻋﺖ ﺍﺷﻮﻓﻜﻢ
ﺍﺷﻮﻑ ﻗﺪﺍﻣﻲ ﺍﻗﺰﺍﻡ
ﺍﻣﺎ ﺳﻮﺍﻟﻒ . ﺗﺒﻨﻮﺍ ﻋﻮﺍﻟﻲ ﺗﻨﺎﻃﺢ ﺍﻟﻐﻴﻢ ﺍﻟﺮﺍﺣﻞ ﺗﺎﻻ
ﺍﻟﺴﺎﻓﻞ
ﺩﻭﺭ ﻓﻮﻕ ﺩﻭﺭ ﻭﺣﺪﺍﺋﻖ ﺳﻮﺭ ﻭﺗﻼﺗﺔ ﻣﺪﺍﺧﻞ
ﺑﺎﺏ ﻣﻔﺘﻮﺡ ﻓﻰ ﺑﺎﺏ ﻣﻐﺮﻭﻥ ﺩﻫﻠﻴﺰ ﻭﻣﺠﺎﻫﻞ
ﺍﻟﻘﺮﺵ ﺍﻟﻠﺤﻤﺮ ﺻﺎﻳﻞ . ﺣﺎﻛﻢ ﺑﻴﻨﻜﻢ ﺗﺎﺭﻙ ﻭﻓﺎﻋﻞ
ﺍﻟﻠﻘﻤﺔ ﺑﺘﻮﺻﻞ ﺣﻠﻘﻚ ﺑﺎﻻﻳﺠﺎﺭ
ﺍﻟﺮﻳﺶ ﺍﺗﻘﺼﻘﺺ ﺗﺤﺘﻚ ﺑﺎﻻﻳﺠﺎﺭ
ﻟﻜﻦ ﺍﻟﻤﻮﺕ ﻛﺎﻥ ﺟﺎﻛﻢ ﻃﺮﻓﺔ ﻋﻴﻦ ﺑﺘﺎﺟﺮﻭﺍ ﻣﻴﻦ
ﻛﺎﻥ ﺍﻟﻤﻮﺕ ﺑﺎﻻﺟﺮﺓ ﻳﻔﻮﺕ
ﺑﺘﺎﺟﺮﻭﺍ ﺯﻭﻝ ﻓﻰ ﺷﺎﻧﻜﻢ ﺍﻣﻮﺕ
ﻟﻜﻴﻦ ﺍﻟﻤﻮﺕ ﻣﺮﺳﺎﻝ ﺟﺒﺎﺭ ﻭﻋﻨﻴﺪ
ﺍﻋﺰﺍﺭ ﺍﻟﻨﺎﺱ ﻭﺍﻋﻤﺎﺭ ﺍﻟﻨﺎﺱ ﺍﻣﻮﺍﻝ ﺍﻟﻨﺎﺱ
ﻭﻋﻈﻤﺔ ﺍﻟﻨﺎﺱ ﻓﻰ ﺍﻳﻴﺪ ﻭﺍﻟﻤﻮﺕ ﻓﻰ ﺍﻳﻴﺪ
ﺍﺭﻗﺪﻭﺍ ﻋﻮﺍﻓﻲ ﻭﻧﻮﻣﻮﺍ ﻋﻮﺍﻓﻲ
ﻓﻮﻕ ﺍﻟﻔﻮﻕ . ﻻ ﺣﺮ ﻻ ﺳﻤﻮﻡ ﻻ ﺳﻮﺍﻓﻲ
ﺍﻟﻠﻴﺪ ﺍﻟﻄﺎﻳﻠﺔ ﺗﺠﻴﺐ ﺍﻟﻤﺎﻓﻲ
ﺧﺰﺍﺋﻦ ﺍﻻﺭﺽ ﻭﻧﻌﻴﻢ ﺍﻟﺪﻧﻴﺎ ﺍﻟﺰﺍﻳﻠﺔ
ﻛﻠﻮ ﻣﻌﺎﻛﻢ ﻭﻣﺎ ﻛﻔﺎﻛﻢ
ﺣﺘﻰ ﺍﻟﻘﺮﺵ ﺷﻦ ﻓﺎﺗﻜﻢ ﻟﻠﺒﺴﺘﺎﻫﻠﻮ
ﺗﻨﺪﻣﻮﺍ ﻟﻴﺶ ﻣﺎ ﺟﺎﻛﻢ
ﺍﻟﻤﻠﻚ ﺍﻟﻨﺎﺯﻝ ﻓﺠﺮﺍﻭﻱ ﻭﺷﺎﻳﻞ ﺍﺭﺯﺍﻕ ﺍﻟﺨﻠﻖ ﺍﻟﺮﻗﺪﻭﺍ ﺭﻗﺎﺩ
ﺍﻧﺘﻮﺍ ﺗﺨﻄﻔﻮﺍ ﺍﻟﻠﻘﻤﺔ ﺍﻟﺤﻔﺖ ﻣﻦ ﺟﻨﺤﻴﻦ ﺍﻟﻤﻠﻚ ﺍﻟﺮﻓﺖ
ﻭﺳﻴﺪﺍ ﻳﻤﻮﺕ ﺑﺎﻟﻔﺎﻕ
ﺍﻟﻌﻴﻦ ﺍﻥ ﺯﺍﻗﺖ ﺷﻦ ﺑﻤﻼﻫﺎ
ﺧﻼﻑ ﻣﻮﻻﻫﺎ ﻭﺑﻴﺘﺎ ﺭﻣﻠﻮ ﺩﻗﺎﻕ
ﻳﺎ ﺳﻜﺎﻥ ﺍﻟﻘﺼﺮ ﺍﻟﻌﺎﻟﻲ ﻭﺩﺍﻉ
ﻳﺎ ﺳﺎﺩﺍﺕ ﺍﻟﺒﺮﺝ ﺍﻟﻌﺎﺟﻲ ﻭﺩﺍﻉ
ﻳﺎﻧﺎﺳﺎﺕ ﺍﻟﺒﻠﺪ ﺍﻟﻐﺎﺩﻱ ﻭﺩﺍﻉ
ﻧﺘﻘﺎﺑﻞ ﻳﻮﻣﺎ ﺩﺍﻙ
ﻭﻧﺼﻔﻲ ﺣﺴﺎﺑﻨﺎ ﺍﻟﺼﺎﻉ ﺑﺎﻟﺼﺎﻉ
