ﺑﻌﺪ ﻋﺸﺮﻳﻦ ﺣﺴﺒﺘﻬﺎ ﻳﺎﺑﺎ ﻳﻮﻡ ﻓﻮﻕ ﻳﻮﻡ ﻭﻋﺎﻡ ﻓﻮﻕ ﻋﺎﻡ
ﺣﻨﻴﻨﻜﻢ ﻃﺶ ﻓﻰ ﻃﺸﻴﺶ
ﻭﻳﺎ ﻣﺎﻟﻘﻴﺖ ﺗﻤﻠﻰ ﺍﻟﺤﻨﻴﻦ ﺟﻤﺎﻡ
ﺍﺗﻠﻔﺤﺖ ﺷﺎﻝ ﺍﻟﺸﻮﻕ ﺍﺣﺎﺩﻯ ﺍﻟﺮﺍﺣﻠﺔ ﻻ ﻗﺪﺍﻡ
ﻛﺴﺤﺖ ﺷﻤﺎﻝ ﻭﺣﺲ ﻃﻨﺒﻮﺭﻛﻢ ﺍﻟﻮﻟﻮﺍﻝ ﻧﺤﺎﺱ ﺍﺑﻮﺍﺗﻜﻢ
ﺍﻟﺮﺯﺍﻡ
ﺻﻠﻴﻠﻦ ﻳﺼﺤﻰ ﻓﻰ ﺍﻟﺸﻮﻕ ﺍﺫﺍ ﻣﺎ ﻧﺴﻢ ﺍﻟﻨﺴﺎﻡ
ﻧﺰﻟﺖ ﻗﺮﻳﺮ ﺍﻫﺎﻟﻰ ﺍﻟﺸﺎﻥ ﻳﻌﺸﻮ ﺍﻟﻀﻴﻒ ﺑﺨﻴﻠﻦ ﻓﻨﺠﺮﻯ
ﻭﻋﺰﺍﻡ
ﻛﺮﻓﺖ ﺍﻟﻄﻴﻨﺔ ﺍﺭﺙ ﺍﻟﻔﺎﺕ
ﻭﻣﺎ ﻛﻔﺎﻧﻰ ﺍﻻ ﺑﺮﻛﺖ ﻓﻮﻕ ﺍﻟﺪﺍﺭ ﻭﺍﺗﻨﺴﻤﺖ ﻣﻦ ﺍﻟﺴﺎﻡ
ﺷﺮﻓﺖ ﻋﻠﻰ ﺭﻣﺎﻝ ﺍﻟﻘﻮﺯ
ﻭﺍﺗﺮﺣﻤﺖ ﻋﻠﻰ ﺣﺮﺯﺍ ﻫﻨﺎﻙ ﻣﺮﻛﻮﺯ
ﻋﻠﻰ ﺭﺍﺳﻢ ﺳﺮﻳﻊ ﺍﻟﻨﻬﻤﺔ ﻛﺎﻥ ﻭﺩﺗﻮﻡ ﻭﻛﺎﻥ ﻓﻰ ﺍﻟﻤﺎﺿﻰ
ﻣﻮ ﻧﻮﺍﻡ
ﺭﺩﻓﺖ ﺍﻟﺼﻴﺤﺔ ﻓﻮﻕ ﺍﻟﺼﻴﺤﺔ ﻭﺍﺗﺤﺰﻣﺖ ﺍﺑﻜﻰ ﺭﺟﺎﻝ
ﺑﻜﻴﺖ ﺳﻴﻮﻓﻦ ﺍﻟﻤﺪﺭﻭﻋﺔ ﻓﻰ ﺍﻟﺤﻴﻄﺎﻥ
ﻭﺯﻯ ﻣﺎ ﻫﻢ ﺭﻗﺎﺩﻥ ﻃﺎﻝ ﺭﻗﺎﺩﻥ ﻃﺎﻝ
ﺑﻜﻴﺖ ﻓﺮﻭﺍﺗﻦ ﺍﻟﻤﻔﺮﻭﺷﻪ ﻟﻠﺠﻬﺎﻝ
ﻭﻳﺎ ﻣﺎ ﻗﺎﻝ ﻭﻳﺎ ﻣﺎ ﻗﺎﻝ ﻭﻳﺎ ﻣﺎ ﻋﺮﺽ ﺍﻟﺼﻬﺎﻝ
ﻧﺸﺪﺕ ﺍﻟﻔﻰ ﺍﻟﻀﺮﻳﺢ ﺭﺍﻗﺪﻳﻦ ﻋﻠﻴﻜﻢ ﺍﻟﻠﻪ ﻳﺎ ﺧﺎﻟﺪﻳﻦ
ﻋﻠﻴﻜﻢ ﻋﺰﺗﻦ ﻛﺎﻧﺖ ﺯﻣﻦ ﺯﻳﻨﻜﻢ
ﻭﺩﻧﻴﺎﻛﻢ ﻟﺒﻦ ﻣﻌﺴﻮﻝ ﻭﺗﺸﺮﺑﻮﺍ ﻓﻴﻬﺎ ﺑﻰ ﻫﻴﻨﻜﻢ
ﺟﺪﻯ ﺳﻌﻴﺪ ﻭﻟﺪ ﺑﺎﺩﻯ ﺍﻟﻌﻜﻮﺩﺍﺑﻰ ﺩﺣﻴﻦ ﻳﺎ ﺍﺑﻮﺍﺗﻰ ﻛﺎﻥ
ﺑﻴﻨﻜﻢ؟
ﻗﺎﻟﻮﺍ ﺍﺗﺮﺑﻰ ﻓﻮﻕ ﺧﻴﻠﻜﻢ ﻭﻳﻮﻡ ﺍﻟﺤﺎﺭﺓ ﺷﺎﻳﻞ ﺷﻴﻠﺘﻮ ﻣﻦ
ﺷﻴﻠﻜﻢ
ﻭﻗﺎﻟﻮﺍ ﺍﻟﻬﻴﻠﻮ، ﻛﺎﻧﺖ ﻓﻲ ﺍﻟﻌﺮﻑ، ﻫﻴﻠﻜﻢ
ﻳﺨﺎﻟﻄﻜﻢ ﻗﺪﺍﺣﺔ ﺍﻟﺨﻴﺮ ﻭﻳﺘﺤﺰﻡ ﻭﻛﺖ ﺷﻴﻨﻜﻢ
ﻗﺎﻟﻮﺍ ﺃﻣﺎﺗﻮ ﻣﻮ ﺩﺍﺑﻦ
ﻋﻘﺎﺏ ﺍﻟﺘﻴﻪ ﻣﺎ ﺑﻬﺎﺑﻦ
ﺣﻨﺎﺿﻞ ﺍﻟﻤﺮﻩ ﺷﺮﺍﺑﻦ
