ﺣﺎﺟﻪ ﺁﻣﻨﻪ ..
ﻋﺒﺪ ﺍﻟﻮﻫﺎﺏ ﻫﻼﻭﻯ
ﺣﺎﺟﻪ ﺍﻣﻨﻪ ﺍﺗﺼﺒﺮﻯ
ﻋﺎﺭﻑ ﺍﻟﻮﺟﻊ ﻓﻲ ﺍﻟﺠﻮﻑ ﺷﺪﻳﺪ
ﻋﺎﺭﻓﻚ ﻛﻤﺎﻥ ﻣﺎ ﺑﺘﻘﺪﺭﻯ
ﺟﺎﻫﻠﻚ ﺷﻜﻰ ﻭﺟﺎﻫﻠﻚ ﺑﻜﻲ
ﻓﻲ ﺑﻴﺘﻚ ﺍﻟﻤﺮﻕ ﺍﺗﻜﻲ
ﻭﺍﻟﺸﻲ ﺍﻟﺒﺤﻴﺮ ﻭﻣﺎ ﺑﺤﻴﺮ
ﻣﺎﺑﻴﻪ ﻳﺎﺣﺎﺟﻪ ﺍﻟﺰﻛﺎﺓ
ﻃﻠﻊ ﺍﻟﺼﺒﺎﺡ
ﻟﻮ ﻟﻴﻚ ﻣﺮﺍﺩ ﻳﺎﺣﺎﺟﻪ ﻣﺎ ﺗﻄﻠﻊ ﺷﻤﺲ
ﻭﺍﻟﻠﻴﻠﻪ ﻋﻨﺪﻙ ﺯﻯ ﺍﻣﺲ
ﻟﺴﻪ ﺍﻟﺮﻭﻳﺪﻯ ﻣﻊ ﺍﻟﺼﺒﺎﺡ
ﻳﺎ ﺣﺎﺟﻪ ﻣﺎﺟﺎﺏ ﻟﻴﻚ ﺧﺒﺮ
ﻛﺎﻥ ﺟﻮﻓﻮ ﺯﻯ ﺟﻮﻑ ﺍﻟﻌﻴﺎﻝ
ﻣﻦ ﻣﺪﻩ ﺩﺍﻳﺮ ﻟﻴﻪ ﺣﺠﺮ
ﻭﺍﻟﻠﻪ ﻋﻠﻰ ﺍﻟﺰﻣﻦ ﺍﻟﺤﺠﺮ
ﺍﻟﻤﺎﺑﻲ ﺑﺎﻟﺼﺒﺮ ﺍﺗﻜﺮﻯ
ﻭﻣﺸﻴﺘﻲ ﻟﻲ ﺑﺮﺝ ﺍﻟﺤﻤﺎﻡ
ﺑﺮﺟﻚ ﺻﻔﻴﺤﺘﻴﻦ ﻣﺎ ﺑﺰﻳﺪ
ﻭﻣﺸﻴﺘﻲ ﻟﻲ ﺑﺮﺝ ﺍﻟﺤﻤﺎﻡ
ﻛﺎﻥ ﺗﻠﻘﻲ ﻟﻴﻚ ﺟﻮﺯﺍ ﺟﺪﻳﺪ
ﻳﻤﻜﻦ ﺑﻌﺪ ﻃﻠﻊ ﺍﻟﺼﺒﺎﺡ ﻳﻐﺸﺎﻛﻲ ﺯﻭﻻ
ﻳﺸﺘﺮﻯ
ﻫﺒﺸﺘﻲ ﺟﺎﻯ ﻓﺘﺸﺘﻲ ﺟﺎﻯ
ﻛﺎﻥ ﺗﻠﻘﻲ ﺳﻜﺮ ﺑﺲ ﻣﺤﺎﻝ
ﺑﺎﻗﻰ ﺍﻟﺮﻃﻴﻞ ﺍﻟﻔﻲ ﺍﻟﻜﺮﺕ
ﻳﺎﺣﺎﺟﻪ ﺳﻔﻮﻩ ﺍﻟﻌﻴﺎﻝ
ﻳﺎﺣﻠﻴﻞ ﺯﻣﺎﻥ ﻭﺳﻨﻴﻦ ﺯﻣﺎﻥ
ﻳﺎﺣﺎﺟﻪ ﻟﻮ ﺗﺘﺬﻛﺮﻯ
ﻭﺳﻤﻌﺘﻲ ﺻﻮﺕ ﺟﺎﻙ ﻣﻦ ﺑﻌﻴﺪ
ﻭﺑﻌﺪ ﻗﻠﻴﻞ ﺑﺎﺑﻚ ﺿﺮﺏ
ﻭﺳﻤﻌﺘﻲ ﺻﻮﺕ ﺟﺎﻙ ﻣﻦ ﺑﻌﻴﺪ
ﺷﺎﻟﻚ ﺗﻌﺐ ﺧﺘﺎﻙ ﺗﻌﺐ
ﻳﺎﺣﺎﺟﻪ ﻧﺎﺱ ﺍﻟﻤﻮﻳﻪ ﺟﻮﻙ..
ﺍﺻﻠﻮ ﺍﻟﺸﻬﺮ ﺭﻭﺡ ﺟﺮﻯ
ﺑﻌﺪ ﺻﺮﺍﻉ ﻭﺻﺮﺍﻉ ﻃﻮﻳﻞ
ﻳﺎﺣﺎﺟﻪ ﺑﻴﻨﻚ ﻭﺍﻟﻤﺤﺎﻝ
ﻣﺎﻟﻘﻴﺘﻲ ﻓﻲ ﺩﺍﻙ ﺍﻟﻨﻬﺎﺭ
ﺷﻴﺘﺎ ﻳﺠﻮ ﻭ ﻳﺎﻛﻠﻮ ﺍﻟﻌﻴﺎﻝ
ﺣﺒﺔ ﻋﺪﺱ ﻣﺎﺑﺴﻮﻯ ﺷﻲ
ﻭﻳﻨﻮ ﺍﻟﺒﺼﻞ ﻭﻳﻨﻮ ﺍﻟﻠﺤﻢ
ﺣﺒﺔ ﻋﺠﻴﻦ ﻣﺎﺑﺴﻮﻯ ﺷﻲ
ﻭﻳﻨﻮ ﺍﻟﺪﻗﻴﻖ ﻭﻳﻨﻮ ﺍﻟﻔﺤﻢ
ﻣﻦ ﺟﺎﻯ ﻟﺠﺎﻯ ﻓﺘﺸﺘﻲ
ﺟﺎﻯ ﻫﺒﺸﺘﻲ ﺟﺎﻯ
ﻻﺯﻣﻚ ﻛﺘﻴﺮ ﺗﺘﻘﺪﺭﻯ
ﻭﻳﺎ ﺣﺎﺟﻪ ﺍﻣﻨﻪ ﺍﺗﺼﺒﺮﻱ
