وا شوقا علي بلدي دكتور عبدالله اسماعيل

ﻭﺍ ﺷﻮﻗﺎ ﻋﻠﻰ ﺑﻠﺪﻯ -ﺩ. ﻋﺒﺪﺍﻟﻠﻪ ﺇﺳﻤﺎﻋﻴﻞ
ﻭﺍ ﺷﻮﻗﺎ ﻋﻠﻰ ﺑﻠﺪﻯ ..
ﺷﻮﻕ ﺯﻭﻻ ﻭﻟﻮﻑ ﺑﻜﺎﻯ ..
ﺣﻠﻴﻞ ﻳﺎ ﻧﺎﺱ ﺩﻋﺎﺵ ﺣﻠﺘﻨﺎ ﻳﻐﺸﺎﻧﻰ
ﻋﺸﺎﻥ ﺍﻟﺸﻮﻕ ﻫﻠﻜﻨﻰ ﺑﺮﺍﻯ...
ﻃﺮﻳﺖ ﺍﻟﺪﺍﺭ ﺑﺸﺎﺭﺓ ﺧﻴﺮ
ﻣﻊ ﺃﻡ ﺑﺸﺎﺭ
ﻭ ﺑﺮﻕ ﻟﻴﻼ ﻟﻤﺤﺘﻮ ﺑﻌﻴﺪ
ﺷﻠﻊ ﺿﻮﺍﻯ...
ﻭ ﻫﺎﻙ ﻳﺎﺧﻴﺮ ﻭﻛﺖ ﻣﺎ ﺗﻤﻄﺮ
ﺍﻟﻀﺤﻮﻳﺔ
ﻭ ﺗﺴﻘﻰ ﻭﺍﻃﺎﺗﻨﺎ ﺑﻰ ﺣﻨﻴﺔ
ﺑﺤﺲ ﺑﺎﻟﺨﻴﺮ ﻣﻌﺪﻯ ﻋﻠﻴﻨﺎ ﺳﺎﻳﺮ
ﺟﺎﻯ...
ﺩﺧﻦ ﻗﺎﻳﻢ
ﻣﻌﺎﻫﻮ ﺳﻨﺎﺑﻞ ﺍﻟﻤﺎﺭﻳﻖ
ﻭ ﺩﺍﻙ ﺍﻟﻔﻮﻝ ﻣﺘﻠﺨﺒﻂ ﺑﺎﻟﻮﻳﻜﺔ ﻭﺍﻟﻠﺼﻴﻖ
ﻳﻤﺠﺪ ﻓﻮﻕ ﻋﻈﻤﺔ
ﺍﻟﺨﺎﻟﻖ ﺍﻟﺴﻮﺍﻯ
ﻭ ﺍﺷﻮﻗﺎ ... ﻋﻠﻰ ﺑﻠﺪﻯ
ﺷﻮﻕ ﺯﻭﻻ ﻭﻟﻮﻑ ﺑﻜﺎﻯ
ﺣﻠﻴﻞ ﻳﻤﺔ ...
ﺧﺘﺖ ﺇﻳﺪﺍ ﻓﻮﻕ ﺭﺃﺳﻰ
ﻭ ﻗﺎﻟﺖ ﻟﻰ
ﺗﻌﺎﻝ ﻳﺎﻏﺎﻟﻰ ﻗﺮﺏ ﺟﺎﻯ
ﺑﺪﻭﺭ ﻓﻰ ﺍﻟﺨﻄﺒﺔ ﺍﻟﺴﻤﺤﺔ ﺑﺖ ﺍﻟﻨﺎﺱ
ﺃﺯﻏﺮﺩ ﻟﻴﻚ
ﻭ ﺃﺳﻮﻯ ﺍﻟﻔﻮﺕ
ﻭ ﺃﺗﻢ ﺍﻟﻔﺮﺣﺔ ﺑﻴﻚ ﻳﺎﻋﺸﺎﻯ !
ﻗﺖ ﻟﻴﻬﺎ
ﺳﻤﺢ ﻳﻤﺔ ...
ﻋﺸﺎﻥ ﺧﺎﻃﺮﻙ
ﻭ ﻋﺸﺎﻥ ﺧﺎﻃﺮ ﻗﻠﻴﺐ ﻫﻮﺍﻯ
...
ﺃﺻﻠﻮ ﺍﻟﺴﻤﺤﺔ ﻳﺎ ﻳﻤﺔ
ﺟﺪﻯ ﺭﻳﻼ ...
ﺑﻘﺪﻝ ﺟﻮﻩ ﻓﻰ ﺟﻮﺍﻯ
ﻭ ﻣﻦ ﻳﻮﻣﻰ ﺑﺪﻭﺭ ﺍﻟﺴﻤﺤﺔ
ﺗﺒﻘﻰ ﻣﻌﺎﻯ
ﺗﻘﻮﻻ ﻣﻌﺎﻯ
ﻭ ﺍ ﺷﻮﻗﺎ ﻋﻠﻰ ﺑﻠﺪﻯ
ﺷﻮﻕ ﺯﻭﻻ ﻭﻟﻮﻑ ﺑﻜﺎﻯ
ﺩﻳﺎﺭ ﺍﻟﺸﻮﺭﻯ...
ﻭ ﺍﻟﻨﻘﺎﺭﺓ...
ﻭ ﺍﻟﻤﺮﺩﻭﻡ ..
ﻭ ﺣﺲ ﺟﺮﺍﺭﻯ ﻃﻮﻝ ﺍﻟﻠﻴﻞ ﻋﻠﻴﻨﺎ ﻳﺤﻮﻡ...
ﺩﻳﺎﺭ ﺍﻟﻘﺮﻋﺔ
ﻭ ﺍﻟﻤﻔﺮﺍﻛﺔ ...
ﻭ ﺍﻟﺤﻜﺎﻣﺔ
ﻭ ﺍﻟﻬﺪﺍﻯ ...
ﻭﺍﺷﻮﻗﺎ ﻋﻠﻰ ﺑﻠﺪﻯ ... ﺷﻮﻕ ﺯﻭﻻ
ﻭﻟﻮﻑ ﺑﻜﺎﻯ