ﺃﺷﺮﻑ ﺣﺴﻦ ﺇﺩﺭﻳﺲ
Ahmed Magzoub
ﺷﻮﻑ ﻋﻴﻨﻲ ﺍﻟﻐﺮﺏ ﺍﻟﻠﻴﻠﺔ ﻏﻠﺐ ﺍﻟﻨﺠﻤﺔ
ﺷﻔﻨﺎﻫﺎ ﺍﻟﺘﻼﺗﺔ ﺍﻟﻜـــــﺠﻤﺔ ﺑﻌﺪ ﺍﻟﻜﺠﻤﺔ
ﻧﺎﺳﻜﻢ ﻛﻮﺭﺗﻬﻢ ﻳﺎ ﺍﺧﻮﺍﻧﺎ ﻏﻴﺮ ﻣﻨﺴﺠﻤﺔ
ﻃﻮﻝ ﺍﻟﺰﻣﻦ ﺍﻟﻠﻘﺎﺀ ﻣﺎ ﺷﻔﻨﺎ ﻟﻴﻬﻢ ﻫﺠﻤـــــــﺔ
...
ﺗﻴﻤﻜﻢ ﺑﺎﺧﺘﺼـــﺎﺭ ﺍﻟﻠﻴﻠﺔ ﺭﺍﻗﺪ ﺩﻛﻮﺓ
ﻭﺳﺎﻣﺎﺗﺎ ﺍﻟﻤﺴﺨﻦ ﻓﺎﺕ ﺣﺮﺍﺭﺓ ﺍﻟﻤﻜﻮﺓ
ﻏﺎﻳﺘﻮ ﻣﺒﺎﺭﺍﺓ ﻛﺎﻧﺖ ﻓﻲ ﺍﻟﻤﺠﺎﻟﺲ ﺣﻜﻮﺓ
ﺍﻭﻋﻲ ﻣﻦ ﺍﻟﺠﺮﺱ ..ﻛﺘﺮ ﺍﻟﻜﻼﻡ ﻭﺍﻟﺸﻜﻮﻱ
...
ﻭﺍﻟﺨﺒﺮ ﺍﻻﻛﻴﺪ ﺍﻟﺠﺎﺑﻮ ﻟﻴﻨﺎ ﺍﻟﻠﻤﺒﻲ
ﺍﻟﺤﻠﻢ ﺍﻟﺠﻤﻴﻞ ﺑﻘﻲ ﻟﻠﻨﺠﻴﻤﺎﺕ ﺑﻤﺒﻲ
ﻏﻠﻄﺎﻥ ﺍﻟﻮﻟﺪ)ﺳﺎﻣﺎﺗﺎ ( ﻭﺍﻧﺎ ﻣﺎ ﺫﻧﺒﻲ
ﻋﺬﺑﺘﺎ ﺍﻟﻮﺻﻴﻒ ..ﺑﺎﺍﺍﻟﻐﺘﺎ ﻳﺎ ﻣﺎﺯﻳﻤﺒﻲ
...
ﺗﺎﺑﻌﻨﺎ ﺍﻟﻠﻘﺎﺀ ﺯﻱ ﻣﺎ ﺑﺘﻘﻮﻝ ﺍﻟﺼﻮﺭﺓ
ﺷﻔﻨﺎ ﺍﻟﻨﺠﻤﺔ ﺗﺎﻳﻬﺔ ﻣﺨﻨﺪﻗﺔ ﻭ ﻣﻌﺼﻮﺭﺓ
)ﺑﻮﺩﻱ ﻗﺎﺭﺩﺍﺕ ( ﻳﺎ ﻧﺠﻤﺔ ﺍﻟﻤﻘﺼﻮﺭﺓ
ﺗﻴﻤﻜﻢ ﺟﺎﻱ ﻳﺼﺎﺭﻉ ﻭﻻ ﻳﻠﻌﺐ ﻛﻮﺭﺓ
...
ﻛﺘﺮﺗﻮ ﺍﻟﻀﺤﻚ ﻭﻋﻤﻠﺘﻮ ﻟﻴﻨﺎ ﺷﻤﺎﺗﺔ
ﻧﻘﺔ ﺷﺪﻳﺪﺓ ﺟﺪﺍ ﻭ ﺍﻟﻨﺘﻴﺠﺔ ﻫﻲ ﺫﺍﺗﺎ
ﻗﻌﺪﺗﻮ ﺗﻐﻤﺴﻮﻧﺎ ﻧﺴﻴﺘﻮ ﻧﺎﺱ ﺳﺎﻣﺎﺗﺎ
ﺷﻦ ﺑﺘﻘﻮﻟﻮ ﻟﻴﻨﺎ ﺑﻌﺪ ﺍﺧﺪﺗﻮ ﺗﻼﺗﺔ
...
ﻣﺴﻜﻴﻦ ﺍﻟﻮﺻﻴﻒ ﺟﻤﻬﻮﺭﻭ ﻛﺎﻥ ﺑﻴﺄﻣﻞ
ﻳﻮﺻﻞ ﻟﻠﻨﻬﺎﺋﻲ ﻭﻟﻠﻨﻬﺎﺋﻴﺔ ﻳﻜﻤﻞ
ﺑﻨﻘﻮﻝ ﺍﻟﺤﻘﻴﻘﺔ ﻭﻟﻴﻬﺎ ﻣﺎ ﺑﻨﺠﻤﻞ
ﻛﻠﻮ ﻋﺸﺎﻥ ﺳﻤﻌﺘﻮ ﻛﻼﻡ ﺳﻠﻚ ﻭﻣﺰﻣﻞ
...
ﻓﻲ ﺍﺧﺮ ﺍﻟﺨﺘﺎﻡ ﺍﻟﺪﻭﺭﻱ ﺍﻧﺘﻮ ﻭﺻﻴﻔﻮ
ﺗﻴﻤﻜﻢ ﻓﻲ ﺑﻠﺪﻧﺎ ﺍﻟﺘﺎﻧﻲ ﻓﻲ ﺗﺼﻨﻴﻔﻮ
ﺍﻟﺤﻠﻢ ﺍﻧﺘﻬﻲ ﻭﻣﺎﺯﻳﻤﺒﻲ ﺍﻋﻠﻦ ﺯﻳﻔﻮ
ﺑﺘﻼﻗﻮ ﺍﻟﻬﻼﻝ ..ﺑﺘﺸﺮﺩﻭ ﻭﻻ ﺗﻘﻴﻔـــﻮ
