ﻋﻠﻰ ﺻﻔﻴﺢ ﺳﺎﺧﻦ ﻧﺎﺩﺭ ﺍﻟﺘﻮﻡ
3 ﻧﻴﺴﺎﻧﺎﺕ!
• ﺗﺴﺨﻴﻨﺔ : ﺣﻠﻴﻞ ﺃﺭﺽ ﺍﻟﺠﺰﺍﺋﺮ!
• ﺗﺴﺨﻴﻨﺔ ﺗﺎﻧﻴﺔ: ﺗﻠﺖ ﺍﻟﺘﻼﺗﺔ ﻛﻢ؟
• ﺗﺴﺨﻴﻨﺔ ﺗﺎﻟﺘﺔ: ﺗﻼﺗﺔ ﺳﻨﺔ ﻳﻮﻡ ﻭﺭﺍ ﻳﻮﻡ ﺑﻰ ﺻﺒﺮ
ﺟﻤﻴﻞ ﻣﻨﺘﻈﺮﻙ ﺃﻧﺎ!
• ﻛﻨﺖ ﺃﺳﻤﻊ ﺑﺄﻏﻨﻴﺔ ﺍﻟﻤﺮﻳﺨﻰ ﺣﺴﻴﻦ ﺍﻟﺼﺎﺩﻕ
• ﺗﻼﺗﺔ ﻧﻴﺴﺎﻧﺎﺕ ﺷﺎﻳﻼﺕ ﺧﻀﺎﺭ ﻣﺎﺭﺍﺕ ﻳﺎ ﺣﻠﻴﻞ ﺍﻟﺒﻠﻮﻡ
• ﻟﻢ ﺃﻓﻬﻢ ﻣﻌﻨﻰ ﻫﺬﻩ ﺍﻟﻐﻨﻴﺔ ﻭ )ﻫﺪﻓﻬﺎ (
• ﻭﻟﻢ ﺃﺳﺘﻮﻋﺐ ﻗﺼﺘﻬﺎ ﻭﻣﻨﺎﺳﺒﺘﻬﺎ ﻭﺍﻟﻘﻴﻤﺔ ﺍﻟﺘﻰ ﺗﻌﺎﻟﺠﻬﺎ
• ﻟﻜﻦ ﺑﻌﺪ ﻗﺮﻋﺔ ﺍﻟﻴﻮﻡ ﺃﺩﺭﻛﺖ ﺍﻟﻘﺼﺔ
• ﻭﻋﺮﻓﺖ ﺃﻥ ﺍﻷﻏﻨﻴﺔ ﻣﻌﺒﺮﺓ ﺷﺪﻳﺪ
• ﻋﻠﻰ ﺍﻷﻗﻞ ﻟﻠﻤﺮﻳﺨﺎﺏ
• ﻭﺃﻗﻼﻫﺎ ﻓﻰ ﺍﻟﻤﺮﺣﻠﺔ ﺩﻯ
• ﺍﻟﺘﻼﺗﺔ ﻧﻴﺴﺎﻧﺎﺕ ﺩﻳﻞ ﻧﺎﺱ ﺍﻟﺠﺰﺍﺋﺮ
• ﺷﺎﻳﻼﺕ ﺷﻨﻮ؟ ﺧﺪﺍﺭ ﺻﺎﺡ
• ﺭﺍﺟﻌﻮ ﻛﻮﺭﺓ ﺍﻟﺘﺮﺟﻰ ﺗﻌﺮﻓﻮ ﺍﻟﺨﺪﺍﺭ ﺩﺍ ﺷﻨﻮ؟
• ﺍﻟﺒﻠﻮﻡ ﻃﺒﻌﺎ ﺡ ﻳﻜﻮﻥ ﻓﺮﻳﻘﻴﻦ ﻣﻦ ﺍﻟﺠﺰﺍﺋﺮ ﺇﻥ ﺷﺎﺀ
ﺍﻟﻠﻪ
• ﻭﺍﻟﺒﺮﺍﻓﻘﻨﺎ ﻓﻰ ﺭﺣﻠﺘﻨﺎ ﻣﺎ ﻋﻨﺪﻧﺎ ﻣﺎﻧﻊ
• ﺍﻟﺴﺎﻳﻖ ﺍﻟﺸﻮﻟﻪ ﻭﻻ ﻏﻴﺮﻫﺎ
• ﻻﻧﻮ ﺍﻟﻤﺮﻳﺦ ﺍﻟﺒﻄﺎﻗﺔ ﺍﻷﻭﻟﻰ)ﻫﻴﻠﻮ ﺑﺮﺍ (
ﻣﺤﻄﺔ ﺍﻟﺒﻼﺑﻞ
• ﺃﻇﻦ ﺃﻧﻬﺎ ﺍﻟﻤﺮﺓ ﺍﻷﻭﻟﻰ ﺍﻟﺘﻰ ﻳﻠﻌﺐ ﻓﻴﻬﺎ ﺛﻼﺛﺔ ﻓﺮﻕ
ﻣﻦ ﺑﻠﺪ ﻭﺍﺣﺪ
• ﻭﺍﻟﻤﺮﺓ ﺍﻷﻭﻟﻰ ﺍﻟﺘﻰ ﻳﻠﻌﺒﻮﻥ ﻓﻴﻬﺎ ﻓﻰ ﻣﺠﻤﻮﻋﺔ ﻭﺍﺣﺪﺓ
• ﻭﻣﻊ ﻓﺮﻳﻖ ﻭﺍﺣﺪ
• ﻭﻗﺪﺭ ﺍﻟﻤﺮﻳﺦ ﺩﺍﻳﻤﺎ ﻳﻜﻮﻥ ﺍﻟﻮﺍﺣﺪ ﺩﺍ
• ﻓﻰ ﺍﻟﺒﻄﻮﻻﺕ ﻫﻮ ﺑﺮﺍﻫﻮ ﻣﺎﻓﻰ ﺃﻯ)ﻧﻲ ﺳﺎﻧﻐﺎﺕ (
ﻣﻌﺎﻫﻮ
• ﻭﻳﺎ ﺣﻠﻴﻞ ﺍﻟﺒﻠﻮﻡ ﺍﻟﺒﻠﻌﺐ ﻭﺑﻄﻴﺮ ﻛﻞ ﻳﻮﻡ.
• ﻓﺮﻳﺪ ﻋﺼﺮﻭ ﻓﻰ ﺍﻟﺒﻄﻮﻻﺕ ﻭﻟﻠﺘﺮﺟﻴﺎﺕ
• ﻭﻧﺺ ﺍﻟﺘﻼﺗﺔ ﻧﻴﺴﺎﻧﺎﺕ
• ﺩﺍ ﻣﺮﻳﺦ ﻭﻻ ﺭﻛﺸﺔ؟؟ ﻣﺎ ﺷﺎﺀ ﺍﻟﻠﻪ ﻻ ﻗﻮﺓ ﺇﻻ ﺑﺎﻟﻠﻪ
• ﻟﻜﻴﻦ ﻟﻰ ﺧﻴﺮ ﺻﺪﻗﻮﻧﻰ
• ﻟﻰ ﺧﻴﺮ ﻛﺘﻴﺮ
• ﺩﻯ ﺯﻯ ﺍﻟﻤﺼﺎﺭﻋﺔ ﺍﻟﺒﻜﻮﻥ ﻓﻴﻬﺎ ﻣﺼﺎﺭﻋﻴﻦ ﻛﺘﺎﺭ
• ﻳﺘﺸﺎﻛﻠﻮ ﻓﻰ ﺑﻌﻀﻬﻢ ﻭﻳﺠﻰ ﻭﺍﺣﺪ ﻳﺸﻴﻠﻬﺎ
• ﻳﺠﻰ ﺍﻟﻤﺮﻳﺦ ﺑﺮﺍﺍﺍﺣﺔ ﻭ )ﺯﻯ ﺍﻟﻤﺎ ﺣﺎﺻﻞ ﺷﺊ ( ﻳﺘﺄﻫﻞ
• ﻭﻳﺨﻠﻰ ﺍﻟﺠﺰﺍﺋﺮﻳﻴﻦ ﻳﺘﻠﻔﺘﻮﺍ ﻭﺇﺣﺘﻤﺎﻝ ﻟﻠﻜﺮﺍﺳﻰ ﻳﺘﻠﻔﻮ.
ﻭﻥ ﺗﻮ ﺛﺮﻯ ﻣﺮﻳﺦ ﻣﺎ ﺟﺎﺭﻯ!
• ﺇﻥ ﻛﺎﻥ ﺫﺍﻙ ﻫﺘﺎﻓﻬﻢ ﺍﻟﻤﺤﺒﺐ
• ﻓﻬﺬﺍ ﻫﻮ ﻫﺘﺎﻓﻨﺎ ﺍﻟﻤﺤﺒﺐ
• ﻭﻥ ﺳﻄﻴﻒ ﻭﺍﻟﻬﺎﺭﺏ ﻳﻘﻴﻒ
• ﺗﻮ ﺇﺗﺤﺎﺩ ﺍﻟﻌﺎﺻﻤﺔ ﻋﺎﺻﻤﺔ ﺍﻟﺤﺰﻡ
• ﻭﺷﺒﺎﺏ ﺍﻟﻌﻠﻤﺔ ﻭﺍﻟﻼﻡ)ﻣﺴﻜﻨﺔ ( ﻳﺎ ﺟﻤﺎﻋﺔ
• ﺇﺗﺤﺎﺩ ﺍﻟﻌﻠﻤﺔ ﻭﻻ)ﺍﻟﺨﺎﻟﺔ ( ﻳﻜﺎﺍﺍﺍ
• ﻭﺍﻟﻤﺮﻳﺦ ﻣﺎ ﺑﺠﺮﻯ
• ﺃﻓﻮ ﻧﺤﻦ ﻛﻤﺎﻥ ﺯﻯ ﻧﺎﺱ ﺟﺮﻯ ﺟﺮﻯ
• ﻭﻻ ﺯﻯ ﻧﺎﺱ ﺑﺮﻯ ﺑﺮﻯ
• ﻭﺃﺩﻭﻧﺎ ﺷﻬﺮ ﻧﺘﺠﻬﺰ
• ﻳﺎﺥ ﺍﻟﻌﺮﻭﺳﺎﺕ ﺑﻘﻮﺍ ﻣﺎ ﺑﺠﻬﺰﻭﻫﻦ ﻓﻰ ﺷﻬﺮ ﺍﻟﺰﻣﻦ ﺩﺍ
• ﺗﺘﺠﻬﺰﻭﺍ ﻟﻰ ﺷﻨﻮ؟؟
• ﺇﻧﺘﻮ ﻣﺎ ﺟﺎﻫﺰﻳﻦ.. ﻣﺎ ﺻﻔﺮ ﺗﺎﺧﺪﻭﻫﻮ ﺑﺪﺭﻯ ﻭﺗﺒﻘﻮ
ﻃﺎﻳﺮﻳﻦ
• ﺍﻟﺼﻔﺮ ﺩﺍﻳﺮ ﺷﻬﺮ ﻭﻻ ﺗﺠﻬﻴﺰﺍﺕ ﻛﻤﺎﻥ؟
• ﻣﺎ ﺗﻘﻮﻟﻮﺍ ﻭﻓﺎﻕ ﺳﻄﻴﻒ ﺷﻐﻠﻮ ﻧﻀﻴﻒ ﻭﺿﺮﺑﻮ ﻋﻨﻴﻒ
• ﻃﺒﻌﺎ ﻣﺎﻓﻰ ﻃﺮﻳﻘﺔ ﺗﻘﻮﻟﻮﺍ ﺩﺍ ﻣﺎ ﺍﻟﻮﻓﺎﻕ
• ﻻﻧﻮ ﺩﺍ ﺡ ﻳﺒﻘﻰ ﻋﻴﻦ ﺍﻟﻨﻔﺎﻕ
• ﻣﺎ ﻋﻨﺪﻛﻢ ﻋﻴﻦ ﺗﺘﻜﻠﻤﻮﺍ ﺑﻴﻬﺎ ﻋﻦ ﺍﻟﻮﻓﺎﻕ
• ﺍﻯ ﻧﻌﻢ ﺍﻟﺘﺮﺟﻰ ﺿﺮﺑﻜﻢ ﻟﻤﻦ ﺑﻘﺖ ﻟﻴﻜﻢ ﻋﺎﺩﻳﺔ
• ﺳﺘﺎﺕ ﻭﺧﻤﺴﺎﺕ)ﺯﻯ ﺍﻟﻤﺎ ﺣﺎﺻﻞ ﺷﺊ (
• ﻟﻜﻴﻦ ﻳﺤﻤﺪ ﻟﻴﻜﻢ ﺇﻧﻜﻢ ﻣﺎ)ﻛﺒﺮﺗﻮﻫﺎ (
• ﺍﻟﻐﺮﻳﺒﺔ ﺗﻘﻮﻝ ﻛﺒﺎﺭ ﺍﻓﺮﻳﻘﻴﺎ ﻭﺗﻜﺒﺮﻭﻫﺎ ﻣﻦ ﻭﻓﺎﻕ
ﺍﺳﻄﻴﻒ.. ﻳﺨﺴﻰ!
ﻏﺎﺭﺯﻳﺘﻮ ﻃﻴﺮ ﺍﻟﺤﻤﺎﻡ
• ﻳﺎ ﻋﻤﻨﺎ ﻏﺮﺯﺗﺔ ﻣﺎ ﺗﺴﻜﺖ ﺷﻮﻳﺔ
• ﻃﻴﺮﺕ ﺍﻟﺤﻤﺎﻡ ﻛﻠﻮ
• ﺷﻨﻮ ﺷﺎﺑﻜﻨﺎ ﻟﻮ ﻻﻗﻴﺖ ﺍﻟﻬﻼﻝ ﻭﻣﺎﺯﻳﻤﺒﻰ
• ﺑﻐﻠﺒﻬﻢ ﺭﺍﻳﺢ ﺟﺎﻳﻰ؟
• ﻳﻌﻨﻰ ﻋﺎﺩﻳﻬﻢ)ﺳﺎﻧﻐﺎﺕ ﺳﺎﻛﺖ (
• ﻣﺎ ﻟﻠﺪﺭﺟﺔ ﺩﻯ! ﺍﻟﻬﻼﻝ ﻣﻌﻠﻴﺶ ﻟﻜﻴﻦ ﻣﺎﺯﻳﻤﺒﻰ ﺑﻄﻞ
• ﻟﻜﻴﻦ ﻣﺎ ﻣﺸﻜﻠﺔ ﺗﻼﻗﻰ ﺍﻟﻬﻼﻝ ﻓﻰ ﺭﺑﻊ ﺍﻟﻨﻬﺎﺋﻰ
ﻭﺗﻀﺮﺑﻮ ﺭﺍﻳﺢ ﺟﺎﻳﻰ
• ﻣﻨﻬﺎ ﻧﻜﻮﻥ ﺿﻤﻨﺎ ﺍﻟﻨﻬﺎﺋﻰ ﻭﺍﻟﻬﻼﻝ ﻟﺴﻪ ﺑﺤﻠﻢ ﺑﺎﻟﻨﻬﺎﺋﻰ
• ﻫﻮ ﺍﻟﻬﻼﻝ ﺩﺍ ﻛﻮﻧﻮ ﻳﺼﻞ ﻫﻨﺎ ﺩﻯ ﺑﺮﺍﻫﺎ ﺳﻼﻣﺔ
• ﻟﻮ ﻻﻗﻰ ﻋﺰﺍﻡ ﻛﺎﻥ ﻣﻤﻜﻦ ﻳﻄﻴﺮ ﻣﻦ ﺍﻟﺘﻤﻬﻴﺪﻯ)ﺯﻯ
ﺍﻟﻤﺎ ﺣﺎﺻﻞ ﺷﺊ (
• ﻣﺴﺎﻛﻴﻦ ﺧﻼﺹ ﺗﻠﻘﺎﻫﻢ ﺻﺪﻗﻮﺍ ﺑﺘﺎﻫﻠﻮﺍ
• ﺗﺘﺎﻫﻠﻮ ﺷﻨﻮ ﺇﻧﺘﻮ ﻣﺎ ﺟﺎﺩﻳﻦ؟
• ﻫﺴﻪ ﻟﻮ ﻣﻌﺎﻛﻢ ﺃﻯ ﺗﻼﺗﺔ ﻓﺮﻕ ﻣﻦ ﺍﻟﺴﻨﺘﺮﻟﻴﻖ
ﺑﺘﺘﺄﻫﻠﻮ؟
• ﺧﻠﻰ ﻣﺎﺯﻳﻤﺒﻰ ﺍﺑﻮ ﺧﻤﺴﺔ ﻭﺍﻟﺒﺖ ﺳﻤﻮﺣﺔ ﻭﺍﻟﻤﻐﺮﺏ
ﺍﻟﺘﻄﻮﺍﻧﻰ
• ﻣﻐﺮﺏ ﺗﻄﻮﺍﻧﻰ ﻭﻫﻼﻝ ﺗﺎﻳﻮﺍﻧﻰ ﻣﺎ ﻓﻰ ﻓﺮﻕ ﻛﺘﻴﺮ
ﻧﻔﺲ ﺍﻟﺸﺊ
• ﺍﻟﻮﺍﻟﻰ ﻭﺍﻟﺤﻤﺎﺭ ﺭﺋﻴﺴﻴﻦ ﻟﻜﻴﻦ ﻣﺎ ﻏﺮﻗﻮ ﺍﻟﻤﺮﻛﺐ
• ﺑﺘﺸﺎﺑﻬﻮ ﻓﻰ ﺣﺎﺟﺎﺕ ﻛﺘﻴﺮﺓ
• ﺟﻨﻬﻢ ﺇﺳﺘﻘﺎﻻﺕ، ﻛﻞ ﻣﺎ ﻳﻜﻮﻥ ﻓﺮﻳﻘﻬﻢ ﻋﻨﺪﻭ ﻣﺒﺎﺭﺍﺓ
ﺑﺘﺨﻮﻑ
• ﻳﻘﺪﻣﻮﺍ ﺇﺳﺘﻘﺎﻻﺗﻬﻢ
• ﺑﻌﺪ ﺇﺗﺎﻫﻠﻮﺍ ﻃﻮﺍﻟﻰ ﻳﺠﻮ ﻋﺎﻳﺪﻳﻦ
•)ﺯﻯ ﻣﺎ ﺣﺎﺻﻞ ﺣﺎﺟﺔ (
• ﺍﻟﻮﺍﻟﻰ ﺑﻌﺪ ﺛﻨﺎﺋﻴﺔ ﻋﺰﺍﻡ ﻗﺎﻝ ﻣﺎ ﺩﺍﻳﺮ
• ﺯﻯ ﻋﻤﻠﻴﺔ ﺍﻟﻬﻼﻝ ﻣﻊ ﻭﻓﺎﻕ ﺳﻄﻴﻒ
• ﻧﻔﺲ ﺍﻟﺜﻨﺎﺋﻴﺔ.. ﺑﺲ ﺛﻨﺎﺋﻴﺔ ﻋﺰﺍﻡ ﺑﺮﻩ ﺃﺭﺿﻨﺎ ﻣﺎ ﻓﻰ
ﺍﻟﻤﻔﺨﺮﺓ
• ﺇﺗﺎﻫﻠﻨﺎ ﺑﻰ ﺗﻼﺗﺔ ﻧﻴﺴﺎﻧﺎﺕ ﺟﺎ ﺭﺍﺟﻊ
• ﺯﻯ ﺍﻟﻤﺎ ﺣﺎﺻﻞ ﺷﺊ
• ﺍﻟﺤﻤﺎﺭ)ﺑﺘﺸﺪﻳﺪ ﺍﻟﻤﻴﻢ( ﺷﺎﻥ ﻣﺎ ﺗﻔﻬﻤﻮﻫﺎ ﻏﻠﻂ
• ﻗﺒﻞ ﻣﺒﺎﺭﺍﺓ ﺍﻷﻫﻠﻰ ﻣﻊ ﺍﻟﺴﻮﺑﺮ ﻗﺎﻝ ﻣﺎﺩﺍﻳﺮ
• ﺷﺎﻝ ﺍﻟﻜﺎﺱ ﺭﺟﻊ)ﺯﻯ ﺍﻟﻤﺎ ﺣﺎﺻﻞ ﺷﺊ (
• ﻗﺒﻞ ﺍﻟﺘﺎﻫﻞ ﻗﺎﻝ ﻣﺎ ﺩﺍﻳﺮﻳﻦ ﻭﺍﺗﺄﻫﻞ
• ﻭﺇﻥ ﺷﺎﺀ ﺍﻟﻠﻪ ﺡ ﻳﺮﺟﻊ)ﺯﻯ ﺍﻟﻤﺎﻓﻰ ﺷﺊ (
• ﻭﺍﻟﻮﺍﻟﻰ ﻛﺮﺭ ﺍﻟﺸﻐﻼﻧﺔ ﺑﻌﺪ ﻛﺎﺑﻮ ﺳﻜﻮﺭﺏ
• ﻭﺑﻌﺪ ﻫﺰﻳﻤﺘﻨﺎ ﻟﻠﺘﺮﺟﻰ
• ﻣﺎ ﻋﺎﺭﻑ ﻋﺰﻳﻤﺘﻨﺎ ﺃﻛﺒﺮ ﻣﻦ ﻫﺰﻳﻤﺘﻨﺎ
• ﻭﻫﺴﻪ ﺭﺟﻊ)ﺯﻯ ﺍﻟﻤﺎ ﺣﺎﺻﻞ ﻣﺸﻜﻠﺔ (
• ﻭﺍﺗﻤﻨﻰ ﺍﻧﻮ ﻳﺒﻠﻊ ﻛﻠﻤﺔ ﺇﺳﺘﻘﺎﻟﺔ ﺩﻯ
• ﻟﺤﺪﻯ ﻣﺎ ﺗﻨﺘﻬﻰ ﺍﻟﻤﺠﻤﻮﻋﺎﺕ
• ﺩﻯ ﻓﺮﺻﺘﻚ ﻳﺎ ﻭﺍﻟﻰ)ﺗﻨﺠﺰ (
• ﺟﺎﺗﻚ ﻣﺪﺭﺩﻗﺔ.. ﺃﺑﻄﺎﻝ ﻋﺪﻳﻴﻴﻴﻞ
• ﻓﺮﻕ ﻛﻠﻬﺎ)ﺭﺻﺎﺻﺎﺕ ( ﺑﺎﻟﺠﻨﺒﺘﻴﻦ
• ﺯﻯ ﻗﻠﻢ)ﺍﻟﺮﺻﺎﺻﺎﺕ ( ﺍﻟﻤﺒﺮﻯ)ﺑﺎﻟﺠﻨﺒﺘﻴﻦ (
• ﻭﺍﻟﻤﺮﻳﺦ ﻣﺘﻄﻮﺭ ﻭﺍﻟﻔﺮﻕ ﻛﻠﻬﺎ ﺣﻤﺎﻡ ﺭﻏﻢ ﻃﻤﻮﺣﺎﺗﻬﺎ
ﻭﺍﻻﺣﻼﻡ
ﻛﻞ ﻋﻠﻰ ﻟﻴﻼﻩ
• ﻧﺎﺱ ﺗﻮﻧﺲ ﻳﻨﻈﺮﻭﺍ ﺳﺎﻧﻐﺖ
• ﻣﻊ ﺍﻧﻬﻢ ﻓﻰ ﺍﻟﺒﻄﻮﻟﺔ ﻣﺎ ﻋﻨﺪﻫﻢ ﻏﻴﺮ ﺍﻟﻜﻮﻛﻰ
• ﺍﻟﻬﻼﻻﺏ ﻗﺎﻟﻮﺍ ﺑﻤﺜﻞ ﺍﻟﺘﻮﺍﻧﺴﺔ
• ﻭﻋﻠﻰ ﺭﺍﻯ)ﺍﻟﺪﻋﺎﻳﺔ (.. ﺍﻟﻨﺸﻮﻑ!!!
• ﺃﻧﺎ ﺧﺎﻳﻔﻜﻢ ﺗﻘﻮﻟﻮﺍ)ﺟﺒﻨﺎ ﺍﻟﺰﻳﺖ (
• ﻭﺟﻤﻬﻮﺭﻛﻢ ﻳﻘﻮﻝ ﻟﻴﻜﻢ)ﻳﺎﺥ ﻣﺎ ﺗﻐﻴﺮﻭ (
• ﻭﺗﺎﻧﻰ ﺗﻜﻮﺳﻮ ﻣﺪﺭﺏ ﺗﺎﻧﻰ
• ﻭﻧﺎﺱ ﺍﻟﻬﻼﻝ ﻳﻘﻮﻟﻮﺍ ﺑﻨﺘﺄﻫﻞ ﻣﻊ ﻣﺎﺯﻳﻤﺒﻰ)ﺟﻨﺲ
ﻋﻘﺪﺓ (
• ﻭﻧﺎﺳﻨﺎ ﻣﺘﺎﻫﻠﻴﻦ ﻣﺘﺄﻫﻠﻴﻦ)ﻣﻊ ﺍﻟﻮﻓﺎﻕ (
• ﻧﺤﻦ ﻧﺎﺱ ﻭﻓﺎﻕ ﺳﺎﻧﻐﺖ ﻭﺍﻟﻠﻪ
• ﻟﻜﻴﻦ ﻓﻰ ﺍﻟﻨﻬﺎﻳﺔ ﻓﻰ ﻧﺎﺱ ﻛﺘﺎﺭ ﺑﺒﻠﻌﻮﺍ ﻛﻼﻣﻬﻢ
• ﺯﻯ ﺍﻟﻤﺎ ﺣﺎﺻﻞ ﺗﺼﺮﻳﺤﺎﺕ!
• ﻋﻤﻮﻣﺎ)ﺍﻟﻨﺸﻮﻭﻭﻭﻭﻑ (.
• ﻻ ﺗﺄﺭﻳﺦ ﻭﻻ ﻋﻠﻮﻡ ﻋﺴﻜﺮﻳﺔ
• ﻛﻞ ﺫﻟﻚ ﻟﻦ ﻳﺤﻘﻖ ﺍﻟﺒﻄﻮﻻﺕ
• ﻟﻮ ﺍﻟﺘﺄﺭﻳﺦ ﺑﺤﻘﻖ ﺑﻄﻮﻻﺕ ﺑﻰ ﺃﻣﺎﻧﺔ ﻛﺪﺍ
• ﺍﻟﻬﻼﻝ ﻣﻔﺮﻭﺽ ﻳﻜﻮﻥ ﻋﻨﺪﻭ ﻛﻢ ﺑﻄﻮﻟﺔ؟
• ﺍﻟﻬﻼﻝ ﺩﺍ ﺃﻛﺘﺮ ﻓﺮﻳﻖ ﻋﻨﺪﻭ ﺗﺄﺭﻳﺦ
• ﻭﺃﻛﺘﺮ ﻓﺮﻳﻖ ﻋﻨﺪﻭ ﺻﻔﺮ
• ﺯﻯ ﺍﻟﺘﻘﻮﻝ ﻣﺎﻓﻰ ﻛﺎﺳﺎﺕ
• ﻟﻮ ﺍﻟﻤﺴﺄﻟﺔ ﺑﺘﺘﻘﺎﺱ ﻛﺪﺍ
• ﻧﺤﻦ ﺃﺳﺴﻨﺎ ﺍﻹﺗﺤﺎﺩ ﺍﻹﻓﺮﻳﻘﻰ
• ﻭﻋﻨﺪﻧﺎ ﺑﻄﻮﻟﺔ ﻭﺍﺍﺍﺍﺣﺪﺓ ﺑﺲ
• ﺻﺎﺡ ﺍﺧﻴﺮ ﻥ ﺻﻤﺔ ﺍﻟﺨﺸﻢ
• ﻟﻜﻴﻦ ﻣﺎ ﺑﻰ ﻣﺴﺘﻮﻯ)ﺍﻟﺘﺄﺭﻳﺦ ( ﻭﺍﻟﺘﺄﺳﻴﺲ
• ﻟﻮ ﺍﻟﺘﺄﺭﻳﺦ ﺑﻠﻌﺐ ﻣﺎ ﻛﺎﻧﺖ ﺑﺘﻜﻮﻥ ﺑﻄﻮﻟﺔ ﻭﺍﺣﺪﺓ
• ﻭﻣﻦ ﺳﻨﺔ ﺳﺒﻌﻴﻦ ﻳﻌﻨﻰ ﻗﺒﻞ 45 ﺳﻨﺔ
• ﺃﻟﻌﺒﻮﺍ ﻛﻮﺭﺗﻜﻢ ﺑﻼ ﺗﺎﺭﻳﺦ ﺑﻼ ﺩﺭﺍﺳﺎﺕ ﺑﻴﺌﻴﺔ
• ﺍﻟﺪﻧﻴﺎ ﻛﻠﻬﺎ ﻭﻋﻠﻰ ﻛﺎﻓﺔ ﺍﻟﻤﺴﺘﻮﻳﺎﺕ ﺑﺘﺪﻯ ﺍﻟﺒﺠﺘﻬﺪ
• ﻣﺎ ﻋﺪﺍ ﻓﻰ ﺍﻟﻬﻼﻝ ﺑﺘﺪﻯ ﺍﻟﻤﺤﻈﻮﻅ
ﺇﺫﺍ ﻋﺮﻑ ﺍﻟﺴﺒﺐ
• ﺩﺍﺋﻤﺎ ﻣﺎ ﻳﻨﺎﻝ ﺍﻟﻬﻼﻝ ﻋﻠﻘﺎﺕ ﺳﺎﺧﻨﺔ ﻓﻰ ﺍﻻﺩﻭﺍﺭ
ﺍﻟﻨﻬﺎﺋﻴﺔ
• ﻣﺜﻞ ﺗﻠﻚ ﺍﻟﺘﻰ ﻧﺎﻟﻬﺎ ﻣﻦ ﻣﺎﺯﻳﻤﺒﻰ
• ﺧﻤﺴﺔ ﻓﻰ ﺩﻭﺭ ﺍﻷﺭﺑﻌﺔ
• ﻭﺍﻟﺴﺒﺐ ﻭﺍﺿﺢ ﻭﻫﻮ ﺳﻴﻼﺣﻖ ﺍﻟﻬﻼﻝ ﻫﺬﺍ ﺍﻟﻤﻮﺳﻢ
• ﻳﻠﻌﺐ ﺍﻟﻬﻼﻝ ﻣﻊ ﻓﺮﻕ ﻣﺎﻓﻰ ﺯﻭﻝ ﻋﺎﺭﻓﻬﺎ
• ﺟﺎﻳﺔ ﻣﻦ ﻭﻳﻦ ﻭﻻ ﻭﺍﻗﻌﺔ ﻭﻳﻦ
• ﻳﺼﻞ ﺍﻟﻤﺠﻤﻮﻋﺎﺕ ﻫﻨﺎﻙ ﻳﻠﻘﻰ)ﺍﻟﻜﻼﻡ ﺍﻟﺠﺪ (
• ﻭﺍﻟﻔﺮﻕ ﺍﻟﺼﺤﻰ ﺻﺤﻠﻰ ﻭﻟﻌﺐ ﺍﻟﻤﻴﺎﺩﻳﻦ
• ﻣﺎ ﻟﻌﺐ ﺍﻟﻮﺭﻕ
• ﺍﻟﻤﺮﺓ ﺩﻯ ﺍﻟﻤﻮﺿﻮﻉ ﺧﻄﻴﺮ
• ﻭﺃﺧﻄﺮ ﻣﻦ ﺯﻣﺎﻥ ﻛﻤﺎﻥ
• ﻳﻌﻨﻰ ﻣﻤﻜﻦ ﺧﻤﺴﺔ ﻣﺎﺯﻳﻤﺒﻰ ﻳﺎﺧﺪﻯ ﺑﺪﺭﻯ ﺑﺪﺭﻯ
• ﺯﻯ ﺍﻟﻤﺎ ﺣﺎﺻﻞ ﺷﺊ
• ﻣﺎ ﺗﻘﻮﻟﻮﺍ ﻏﻠﺒﻨﺎﻫﻢ ﻫﻨﺎﻙ ﻭﺍﻟﺤﻜﺎﻭﻯ ﺍﻟﻤﺎﺳﺨﺔ ﺩﻯ
• ﻏﻠﺒﺘﻮﻫﻢ ﺑﻌﺪ ﻣﺎ ﺍﻟﺮﻣﺎﺩ ﻛﺎﻝ ﺍﻟﻤﻘﻬﺮﺓ؟
• ﻣﻊ ﺇﻧﻮ ﺟﺒﺘﻮ ﻗﻮﻭﻥ ﺑﺪﺭﻯ
• ﻭﺍﻟﺤﻜﻢ ﺃﺩﺍﻛﻢ ﺿﺮﺑﺔ ﺟﺰﺍ ﺑﺪﺭﻯ
• ﻟﻜﻴﻦ ﻻ ﻗﻮﻭﻥ ﺩﻳﻤﺒﺎ ﻻ ﺿﺮﺑﺔ ﺳﻴﺪﺍ ﻧﻔﻌﺖ
• ﻭﺑﻘﺖ ﺿﺮﺑﺔ ﺳﻴﺪﺍ ﺍﻟﺤﻘﻴﻘﻰ)ﻣﺎﺯﻳﻤﺒﻰ ( ﻟﻠﺘﺄﺭﻳﺦ
ﻭﺍﻟﺠﻐﺮﺍﻓﻴﺎ
• ﻳﻌﻨﻰ ﻟﻮ ﺍﻟﻘﺼﺔ ﺗﺄﺭﻳﺦ ﻣﻔﺮﻭﺽ ﺗﺎﻧﻰ ﺗﺎﺧﺪﻭ ﺧﻤﺴﺔ
• ﻭﺇﻣﻜﻦ ﺃﻛﺘﺮ
• ﻫﻮ ﻧﺎﺱ ﺳﻴﺪﺍ ﺃﺧﺪﻭ ﺧﻤﺴﺔ
• ﻧﺎﺱ ﻛﻴﺒﻰ ﺩﻳﻞ ﻣﺎ ﻳﺎﺧﺪﻭﻫﺎ؟
• ﻫﻮ ﻛﻴﺒﻰ ﻗﺎﻋﺪ؟؟
ﻟﻘﻤﺔ)ﺳﺎﻧﻐﺎ (
• ﻗﻠﺖ ﻟﻜﻢ ﻣﻦ ﻗﺒﻞ ﺇﻥ ﺳﺎﻧﻐﺎ ﺿﻌﻴﻴﻴﻴﻒ
• ﺃﺿﻌﻒ ﻣﻦ ﺣﺮﺍﺳﺔ ﺍﻟﻬﻼﻝ ﻭﺩﻓﺎﻋﻮ ﻭﻭﺳﻄﻮ ﻭﻫﺠﻮﻣﻮ
• ﺿﻌﻴﻒ ﻟﻰ ﺩﺭﺟﺔ ﻣﺎ ﺗﺘﺨﻴﻠﻮﻫﺎ
• ﺷﺎﻥ ﻛﺪﺍ ﺃﻧﺎ ﻗﻠﺖ ﻟﻴﻜﻢ ﺭﻏﻢ ﺍﻧﻮ ﺟﺎﻳﻰ ﻣﻦ ﻓﻮﻕ
• ﻟﻜﻴﻦ ﺡ ﻳﻄﻴﺮ ﻣﻦ ﺗﺤﺖ
• ﻛﻼﻣﻰ ﺩﺍ ﻗﻠﺘﻮ ﻗﺒﻞ ﺍﻟﻘﺮﻋﺔ
• ﻣﺎ ﻋﺎﺭﻓﻮ ﺑﻼﻗﻰ ﺍﻟﺰﻣﺎﻟﻚ
• ﻭﺟﻮ ﻧﺎﺱ ﺍﻟﺰﻣﺎﻟﻚ ﻗﺎﻟﻮﺍ ﻧﻔﺲ ﺍﻟﻜﻼﻡ
• ﻓﻰ ﺿﻌﻒ ﻳﺎ ﻧﺎﺱ ﺍﻛﺘﺮ ﻣﻦ ﻛﺪﺍ؟
ﺳﻴﻨﻐﺎ ﻭﻻ ﺍﻟﺴﻮﻛﻰ؟
• ﺍﻟﻤﺼﺮﻳﻴﻦ ﺑﻘﻮﻟﻮﺍ ﻟﻰ ﺳﺎﻧﻐﺎ ﺳﻴﻨﻐﺎ
•)ﺳﻴﻨﻐﺔ ( ﺻﻌﺒﺔ.
• ﺳﻴﻨﻐﺎ ﻭﻻ)ﻭﻳﺘﺎ (؟؟
• ﻋﻤﻮﻣﺎ ﻛﻠﻮ ﺻﺎﺑﻮﻥ ﻭﺡ ﺗﻄﻴﺮ ﻫﺬﻩ ﺍﻟﻔﻘﺎﻋﺔ ﻗﺮﻳﺒﺎ
• ﺍﻟﺰﻣﺎﻟﻚ ﻣﻤﻜﻦ ﻳﺪﻳﻮ ﺗﻼﺗﺔ ﺫﻫﺎﺏ ﻭﺍﻳﺎﺏ
• ﺯﻯ ﺍﻟﻤﺎ ﺣﺎﺻﻞ ﺷﺊ
• ﻫﻮ ﺍﻟﻬﻼﻝ ﺍﺩﺍﻫﻮ ﺣﺒﻪ ﻫﻨﺎ ﻭﻫﻨﺎﻙ
ﺛﻘﺔ ﻋﺠﻴﺒﺔ
• ﺍﻟﺠﻨﺮﺍﻝ ﺻﺪﻳﻖ ﻋﻠﻰ ﺻﺎﻟﺢ ﻗﺎﻝ ﺍﻟﺪﺍﻳﺮ ﺍﻟﺒﻄﻮﻟﺔ
• ﻳﻠﻌﺐ ﺑﻰ ﺭﺟﻮﻟﺔ ﻭﻳﻠﻌﺐ ﻣﻊ ﻓﺮﻕ ﺑﻄﻮﻟﺔ
• ﻳﻌﻨﻰ ﺍﻟﻬﻼﻝ ﺩﺍ ﻣﻦ ﺑﺪﺍﻳﺘﻮ ﻣﺎ ﺩﺍﻳﺮ ﺑﻄﻮﻟﺔ
• ﺍﻟﻤﻬﻨﺪﺱ ﻣﺤﻤﺪ ﻣﻮﺳﻰ ﻗﺎﻝ ﺍﻟﻤﺮﻳﺦ ﻭﻭﻓﺎﻕ ﺳﻄﻴﻒ
ﺑﺘﺎﻫﻠﻮ
• ﻻﺣﻆ ﺍﻟﻤﺮﻳﺦ ﻭﻭﻓﺎﻕ ﺳﻄﻴﻒ
• ﻳﺎﺥ ﺍﻧﺎ ﻛﻨﺖ ﺩﺍﻳﺮ ﺍﻟﻮﻓﺎﻕ ﺍﻟﻮﻃﻨﻰ ﺩﺍ ﻣﻊ ﻫﻼﻝ
ﺍﻟﻮﻃﻨﻴﺔ
• ﻋﻠﻰ ﺍﻷﻗﻞ ﻛﺎﻥ ﺿﻤﻨﺎ ﻛﻮﺭﺓ ﺭﺩ ﺍﻟﺒﻄﻮﻟﺔ ﺍﻹﻓﺮﻳﻘﻴﺔ
• ﻓﺎﺕ ﺍﻻﺭﺑﺎﺏ ﻭﺍﻟﺒﺮﻳﺮ ﻭﻣﺠﺎﻟﺲ ﺍﻟﺘﺴﻴﻴﺮ
• ﻭﺟﺎ ﺍﻟﻜﺎﺭﺩﻧﻴﺮ ﻭﺑﺮﺿﻮ ﻛﻮﺭﺓ ﺍﻟﺮﺩ ﺩﻳﻚ ﻟﺴﻪ ﻭﺻﻤﺔ
ﻋﺎﺭ
• ﻋﻤﻠﺘﻮﻫﺎ ﺷﻴﻨﺔ ﺗﺰﻭﻏﻮﺍ ﻋﺪﻳﻞ ﻛﺪﺍ؟
• ﻟﻜﻴﻦ ﺇﺗﺼﺮﻓﺘﻮ ﺇﺫﺍ ﻛﺎﻥ ﻓﻰ)ﺍﻟﻤﻘﻬﺮﺓ ( ﻣﺎﺧﺪﻳﻦ ﺇﺗﻨﻴﻦ
• ﻫﻨﺎﻙ ﺡ ﺗﺎﺧﺪﻭﺍ ﻛﻢ؟ ﺍﻷﺭﺑﺎﺏ ﻋﺎﻗﻞ
• ﻟﻜﻴﻦ ﺷﺪﻭﺍ ﺣﻴﻠﻜﻢ
• ﻭﺑﺮﺿﻮ ﻧﺤﻦ ﻗﺪﺭﻧﺎ ﻧﺮﻭﺽ ﻟﻴﻜﻢ ﺍﻷﺳﻮﺩ
• ﻃﻴﺮﻧﺎ ﺍﻟﺘﺮﺟﻰ)ﺯﻯ ﺍﻟﻤﺎ ﺣﺎﺻﻞ ﺣﺎﺟﺔ (
• ﻭﺡ ﻧﻄﻴﺮ ﻟﻴﻜﻢ ﻓﺮﻳﻘﻜﻢ ﺩﺍ
• ﻭﻧﻠﻌﺐ ﺍﻟﺮﺩ ﺑﺎﻹﻧﺎﺑﺔ ﻋﻦ ﺣﻀﺮﺓ ﺳﻌﺎﺩﺗﻜﻢ
• ﻳﺎ)ﺯﻭﺍﻗﻴﻦ (!
• ﺑﺘﻌﺮﻓﻮ ﺑﺲ ﻟﻠﻘﺪﻳﺴﻴﻦ ﺍﻟﻤﺴﺎﻛﻴﻦ
• ﺍﻟﻤﺎ ﺑﻌﺮﻓﻮ ﻳﺠﻴﺒﻮ ﺃﻗﻮﺍﻧﻴﻦ
• ﻣﺎﺯﻳﻤﺒﻰ ﺫﺍﺗﻮ ﻛﺎﻥ ﻏﻠﺒﻜﻢ ﺗﺎﻧﻰ، ﺧﻠﻮ..)ﺗﺮﻭ ﻣﻨﻮ (
ﺩﺍ ﺣﻆ ﺷﻨﻮ؟
• ﻋﻤﺮﻛﻢ ﺷﻔﺘﻮ ﺣﻆ ﺯﻯ ﺩﺍ
• ﺩﺍ ﺯﻯ ﺣﻆ ﺍﻟﻨﺎﺱ ﺍﻟﺸﺎﻟﻮﻫﻢ ﻓﻰ ﻭﻇﺎﺋﻒ ﻗﻄﺮ
• ﻣﻘﺪﻣﻴﻦ ﺍﺭﺑﻌﺔ ﺍﻟﻒ ﻭﺩﺍﻳﺮﻳﻦ ﻣﻨﻬﻢ ﺃﺭﺑﻌﺔ)ﺑﺺ (
• ﻳﻌﻨﻰ ﻣﻦ ﻛﻞ ﺃﻟﻒ ﻭﺍﺍﺍﺍﺣﺪ ﺑﺲ
• ﻭﺍﻟﻬﻼﻝ ﻣﻦ ﺗﻼﺗﺔ ﻓﺮﻕ ﻣﺎ ﻻﻗﺎﻫﻮ ﻭﻻ ﻓﺮﻳﻖ ﺟﺰﺍﺋﺮﻯ
• ﺍﻋﺘﻘﺪ ﺇﻧﻮ ﺍﻟﻬﻼﻝ ﻟﻮ ﻓﻰ ﺃﺭﺑﻌﺔ ﻓﺮﻕ ﺟﺰﺍﺋﺮﻳﺔ ﻣﻤﻜﻦ
ﻣﺎ ﻳﻼﻗﻴﻬﺎ
• ﻭﺍﻟﻘﺮﻋﺔ ﺗﻮﻗﻌﻬﺎ ﻛﻠﻬﺎ ﻣﻊ ﺍﻟﻤﺮﻳﺦ
• ﺯﻯ ﺍﻟﻤﺎ ﺣﺎﺻﻞ ﺷﺊ
ﺍﻟﺤﻠﻘﺔ ﺍﻷﺿﻌﻒ
• ﺣﺪﻳﺚ ﺇﻋﻼﻡ ﺍﻟﻬﻼﻝ ﻋﻦ ﺿﻌﻒ ﺍﻟﻤﺠﻤﻮﻋﺎﺕ ﻣﺮﺩﻭﺩ
ﻋﻠﻴﻬﻢ
• ﻣﻦ ﻗﺒﻞ ﺗﺤﺪﺛﻮﺍ ﻋﻦ ﺿﻌﻒ ﺍﻟﻜﻮﻧﻔﺪﺭﺍﻟﻴﺔ ﻭﻭﺻﻔﻮﻫﺎ
ﺑﺎﻟﺠﻌﺮﺍﻧﻴﺔ
• ﻭﻋﻠﻰ ﺍﻟﺮﻏﻢ ﻣﻦ ﺫﻟﻚ ﻃﺎﺭﻭﺍ ﻣﻨﻬﺎ ﻣﺮﺍﺭﺍ ﻭ )ﻣﻜﺮﺭﺍ (
• ﺯﻯ ﺍﻟﻤﺎﻓﻰ ﺣﺎﺟﺔ
• ﻭﺍﻟﻤﺠﻤﻮﻋﺎﺕ ﺑﻬﺎ ﻓﺮﻳﻖ ﻫﺰﻣﻜﻢ ﺧﻤﺴﺔ ﻓﻰ ﺇﺳﺘﺎﺩﻛﻢ
• ﻭﻓﺮﻳﻖ ﺃﺩﺍﻛﻢ ﺇﺗﻨﻴﻦ ﺑﺮﺿﻮ ﻓﻰ ﺍﺳﺘﺎﺩﻛﻢ
• ﻭﻗﻠﺘﻮ ﻣﺎ ﺩﺍﻳﺮﻳﻦ
• ﺳﻨﻘﺘﻨﻊ ﺍﻥ ﺍﻟﺒﻄﻮﻟﺔ ﺿﻌﻴﻴﻴﻔﺔ ﺣﺎﻝ ﻓﻮﺯﻛﻢ ﺑﻬﺎ
• ﺍﻣﺎ ﺇﺫﺍ ﻟﻢ ﺗﻔﻌﻠﻮﺍ ﻫﺬﺍ ﻓﺴﻨﺘﺄﻛﺪ ﺇﻧﻮ ﻛﻼﻡ ﺳﺎﻧﻐﺎ
• ﺯﻯ ﻭﺻﻔﻜﻢ ﻟﻠﻜﻮﻧﻔﺪﺭﺍﻟﻴﺔ ﻭﺍﻟﺴﻴﻜﺎﻓﺎﻳﻴﻴﺔ
ﻧﺎﺭ ﻋﻠﻰ ﻧﺎﺭ
• ﺍﻟﻜﺎﺭﺩﻳﻼﻥ ﺣﻘﻮ ﻳﺮﻛﺰ ﻋﻠﻰ ﺍﻟﻤﻘﻬﺮﺓ
• ﺃﻗﺼﺪ ﺍﻟﺠﻮﻫﺮﺓ ﻓﺮﻳﻘﻚ ﺩﺍ ﻣﻮ ﻧﺎﻓﻊ
• ﺑﺪﻳﻜﻢ ﻧﺼﻴﺤﺔ ﺳﻤﻤﻤﻤﺤﺔ
• ﺳﺠﻠﻮ ﻟﻴﻜﻢ ﺣﺎﺭﺱ ﺗﺎﻧﻰ
• ﻣﻜﺴﻴﻢ ﺩﺍ ﻣﻊ ﻣﺎﺯﻳﻤﺒﻰ ﺑﺨﻠﻴﻜﻢ ﺗﻔﻜﺮﻭ ﺗﺸﻄﺒﻮﻫﻮ
• ﺍﻧﺎ ﻗﻠﺒﻰ ﻋﻠﻴﻜﻢ
• ﻣﻜﺴﻴﻤﻜﻢ ﺩﺍ ﻣﺎﺍﺍﺍ ﻣﻄﻤﻦ
ﻣﻨﻘﺔ ﺑﺎﻟﺸﻄﺔ
• ﻣﻼﻗﻴﻦ ﺳﻤﻮﺣﺔ ﻫﺴﻪ ﻋﻠﻴﻜﻢ ﺍﻟﻠﻪ ﻣﺎ ﺑﺘﺨﺠﻠﻮ؟
• ﻳﺨﺴﻰ ﻋﻠﻴﻜﻢ
• ﺍﻟﻤﺸﻜﻠﺔ ﺳﻤﻮﺣﺔ ﺩﻯ ﺗﻄﻘﻜﻢ ﻋﺎﺩﻯ
• ﺯﻯ ﺍﻟﻤﺎ ﺣﺎﺻﻞ ﺷﺊ
• ﺍﻟﻘﺮﻋﺔ)ﺳﻤﻮﺣﺔ ( ﺷﺪﻳﺪ ﻣﻌﺎﻛﻢ
• ﻟﻜﻴﻦ ﺍﻟﻤﺸﻜﻠﺔ ﻓﻰ ﺍﻟﺘﻄﻮﺍﻧﻰ ﻟﻤﺎ ﻳﻼﻗﻰ ﺍﻟﺘﺎﻳﻮﺍﻧﻰ
• ﻣﻤﻜﻦ ﻋﺎﺍﺍﺩﻯ)ﺯﻯ ﺍﻟﻤﺎ ﺣﺎﺻﻞ ﺷﺊ ( ﻳﻐﻠﺒﻮﺍ
• ﻣﺴﺎﺭ ﻣﻦ ﻧﺎﺭ ﺍﻟﻤﺮﺓ ﺩﻯ
• ﺍﻟﺒﺪﺍﻳﺔ ﺑﻰ ﻣﺎﺯﻳﻤﺒﻰ ﻭﻣﻦ ﺑﻌﻴﻴﻴﺪ
• ﻭﻋﺎﺭﻓﻴﻦ ﻣﻜﺴﻴﻢ ﻣﻦ ﺑﻌﻴﺪ ﺑﺤﺼﻞ ﻟﻴﻮ ﺷﻨﻮ!
• ﺗﺎﺧﺪﻭ ﺭﺍﺣﺔ ﻭﺗﺎﻧﻰ ﺗﻤﺸﻮ ﺑﺮﻩ
• ﻳﻌﻨﻰ ﺇﺣﺘﻤﺎﻝ)ﺗﻼﺗﺔ ( ﻣﺒﺎﺭﻳﺎﺕ ﻳﻜﻮﻥ ﻣﺎ ﻋﻨﺪﻛﻢ ﺷﺊ
• ﺯﻯ ﺍﻟﻤﺎ ﺣﺎﺻﻞ ﺷﺊ
• ﻭﺍﻟﻤﺮﻳﺦ ﻣﻦ ﺃﻭﻝ ﻛﻮﺭﺓ ﻳﻌﻤﻞ ﺗﻼﺗﺔ ﻧﻘﺎﻁ
• ﻣﻮﺵ ﻣﻼﻗﻰ ﺗﻼﺗﺔ ﺟﺰﺍﺋﺮﻳﻴﻦ؟ ﻣﺎ ﻋﺎﺩﻯ ﻃﻴﺐ!
• ﺗﺨﺮﻳﻤﺔ: ﺩﻭﺭﻯ ﻣﺠﻤﻮﻋﺎﺕ ﻧﺰﻫﺔ ﺑﺲ ﻛﻞ ﻣﺮﺓ
ﻣﺎﺷﻴﻦ)ﺍﻟﺠﺰﺍﺋﺮ (
• ﺍﻟﻤﺮﻳﺦ)ﺭﺟﻞ ﺍﻟﻤﺴﺘﺤﻴﻞ ( ﻣﻤﻜﻦ ﻳﻘﻮﻡ ﺑﺎﻟﺒﻼﺑﻞ ﻋﺎﺩﻯ
• ﻭﺗﺒﻘﻰ ﻳﺎ ﺣﻠﻴﻞ ﺍﻟﺒﻠﺒﻠﻮﻡ.
• ﺗﻐﺮﻳﺪﺓ: ﻣﺤﻄﺔ)ﺍﻟﺒﻼﺑﻞ ( ﺑﺘﻮﺩﻯ ﻟﻰ ﺷﺎﺭﻉ
)ﺃﻓﺮﻳﻘﻴﺎ (
• ﻳﻌﻨﻰ ﺍﻟﻤﺮﻳﺦ ﻣﻦ ﺍﻟﻤﺠﻤﻮﻋﺔ ﺩﻯ ﻟﻰ ﺑﻄﻮﻟﺔ ﺍﻓﺮﻳﻘﻴﺎ
• ﺯﻯ ﺍﻟﻤﺎ ﺣﺎﺻﻞ ﺣﺎﺟﺔ)ﺇﻥ ﺷﺎﺀ ﺍﻟﻠﻪ (
• ﺩﻯ ﺟﺪﻳﺪﺓ ﻳﻌﻨﻰ؟
• ﺗﺪﻭﻳﻨﺔ: ﻏﺮﺯﺗﺔ ﻗﺎﻝ ﻋﻨﺪﻭ)ﺗﻼﺗﺔ ( ﻻﻋﺒﻴﻦ ﻣﻦ ﺍﻟﻌﻴﺎﺭ
ﺍﻟﺘﻘﻴﻞ
• ﺳﺆﺍﻝ ﻭﺟﻴﻪ: ﺗﺮﺍﻭﺭﻯ ﺷﻌﻮﺭﻭ ﺷﻨﻮ؟ ﻭﻫﻴﺜﻢ ﻣﺼﻄﻔﻰ
ﺑﺮﺿﻮ؟
• ﻭﻳﻈﻞ ﺍﻟﻤﺮﻳﺦ ﺍﻟﺤﺎﺿﺮ ﻭﺍﻟﻤﺴﺘﻘﺒﻞ ﻭﺍﻟﺘﺄﺭﻳﺦ!!!
• ﻭﻛﻠﻨﺎ ﻣﺮﻳﺨﺎﺏ!!!
• ﺍﻟﺪﻧﻴﺎ ﻛﻠﻬﺎ ﺇﻧﺘﻌﺸﺖ)ﺑﺘﺄﻫﻞ (ﺍﻟﻤﺮﻳﺦ! !!
• ﻭﺗﻜﺘﻤﻞ ﺍﻷﻓﺮﺍﺡ ﻓﻰ ﺻﺎﻟﺔ ﻣﻄﺎﺭ ﺍﻟﺨﺮﻃﻮﻡ
• ﻟﻮ ﻟﻌﺒﻨﺎ ﺍﻟﻨﻬﺎﺋﻰ ﻓﻰ ﺍﻟﻤﻔﺨﺮﺓ ﺑﺮﺿﻮ ﺑﻨﺤﺘﻔﻞ ﻓﻰ
ﺍﻟﻤﻄﺎﺭ
• ﻣﻮﺵ ﻋﻠﻰ ﻛﻴﻔﻨﺎ؟
• ﻭﻣﺎ ﻳﻀﻴﺮ ﺍﻟﺒﺤﺮ ﺃﻣﺴﻰ ﺯﺍﺧﺮﺍ ﺇﻥ ﺭﻣﻰ ﻓﻴﻪ ﻏﻼﻡ
ﺑﺤﺠﺮ؟؟؟
• ﻭﺍﻷﺻﻞ... ﺗﺘﺒﻌﻪ ﺍﻟﻔﺮﻭﻉ!!!
• ﺗﺎﻧﻰ ﺧﻠﻰ ﻣﺴﺎﻭﻯ ﻳﺠﻴﺐ ﺃﻗﻮﺍﻥ.
• ﻋﻼ ﺿﺮﺑﺎﺕ ﺟﺰﺍ ﺯﻯ ﺍﻟﺒﺼﺮﻓﻮﻫﺎ ﻟﻴﻜﻢ ﻣﺠﺎﻥ
• ﺯﻯ ﺍﻟﻤﺎ ﺣﺎﺻﻞ ﺣﺎﺟﺔ ﺩﻳﻚ.
• ﺗﻘﻔﻴﻠﺔ: ﺍﻟﻮﺍﻟﻰ ﻳﺸﻴﻞ ﻧﺠﻮﻡ ﺍﻟﻨﻴﻞ ﺍﻷﺯﺭﻕ ﻳﻮﺩﻳﻬﻢ
ﺍﻟﺸﺮﻭﻕ ﺍﻟﺤﻤﺮﺍ
• ﻭﻧﺠﻮﻡ ﺍﻟﻬﻼﻝ)ﻏﻦ ﻭﺟﺪﻭﺍ ( ﻳﻮﺩﻳﻬﻢ ﺍﻟﻜﺸﻒ ﺍﻷﺣﻤﺮ
• ﺍﻟﻮﺍﻟﻰ ﺩﺍ ﻋﻨﺪﻭ ﻋﺪﺍﺀ ﻣﻊ ﺍﻟﻠﻮﻥ ﺍﻷﺯﺭﻕ
• ﺍﻧﺎ ﺧﺎﻳﻔﻮ ﺑﻌﺪﻳﻦ ﻳﺸﺘﺮﻯ ﺍﻟﺠﻮﻫﺮﺓ ﺍﻟﺰﺭﻗﺎﺀ
• ﺯﻯ ﺍﻟﻤﺎ ﺣﺎﺻﻞ ﺣﺎﺟﺔ
• ﺑﻌﻤﻼ
• ﻗﺒﻞ ﻛﺪﺍ ﻣﺎ ﺇﺷﺘﺮﻯ ﺍﻟﺰﻋﻴﻢ ﺍﻟﺰﺭﻗﺎﺀ ﻭﺑﻘﺖ ﻣﺮﻳﺨﻴﺔ؟
• ﺍﻟﻠﻪ ﻳﺴﺘﺮ!
• ﺁﺧﺮ ﻗﻄﺮﺓ: ﻭﺩ ﺍﻟﺤﻴﺸﺎﻥ ﺍﻟﺘﻼﺗﺔ ﻳﺎ ﻋﺪﻳﻠﺔ ﻣﺮﻳﺨﻨﺎ
)ﺳﺎﺭ (!
• ﻭﺃﺧﺘﻢ ﻗﻮﻟﻰ ﺏ
ﺍﻟﻠﻬﻢ ﺻﻞ ﻭﺳﻠﻢ ﻋﻠﻰ ﻣﻦ ﺑﻪ
ﺗﺴﺘﺠﺎﺏ ﺍﻟﺪﻋﻮﺍﺕ ﻭﻋﻠﻰ ﺁﻟﻪ ﻭﺻﺤﺒﻪ ﺍﻟﻘﺎﺩﺍﺕ (
ﻭﻫﺬﻩ ﺑﺼﻤﺘﻰ!
ﺇﻥ ﻛﻨﺖ ﺗﺮﻏﺐ ﻓﻲ ﻣﺘﺎﺑﻌﺔ ﺍﻟﺼﻔﺤﺔ ﺩﺍﺋﻤﺎ ,
ﻗﻢ ﺑﺘﺴﺠﻴﻞ ﺇﻋﺠﺎﺑﻚ ﺑﻬﺬﺍ ﺍﻟﻤﻨﺸﻮﺭ ﻭﺃﻛﺘﺐ ﺃﻱ
ﺗﻌﻠﻴﻖ
